كشفت خبيرة الموضة أسما شريف منير سبب الزيادة الكبيرة في وزنها، مؤكدة أنها تتلقى علاجا من “نوبات الخوف”، وقدمت الدعم لابنة غادة عادل بعد تعرضها للتنمر على مواقع التواصل الاجتماعي.
“نص خبر” – عمرو يوسف
وقالت أسما شريف منير، في تصريحات لـ«et بالعربي»: اتعرضت للتنمر وأنا دلوقتي تخنانة، أنا تخينة عشان باخد دواء عشان كان بيجيلي نوبات هلع وصرع، ومش قادرة أنزل من البيت من كتر الخوف.
عرض هذا المنشور على Instagram
ووجهت أسما رسالة دعم لمريم ابنة النجمة غادة عادل والمخرج مجدي الهواري، بعد تعرض الأخيرة للتنمر بسبب ظهورها بوزن زائد على ريد كاربت الدورة السابعة لمهرجان الجونة، قائلة: كنت زي القمر واطلالتك جميلة وتجاهلى تماما كلمات المتنمرين.
وكشفت أسما شريف منير، عن تفاصيل جديدة في حياتها الشخصية، ونشرت صورا لها، عبر حسابها على إنستغرام، وعلقت: عشت لفترة طويلة في علاقات مش مرتاحة فيها.. العلاقات كانت مرهقة ومليانة أذى نفسي، دايمًا حاسة إن فيه حاجة ناقصة، فيه حاجة غلط .. العلاقات كان فيها تضحيات كبيرة من طرف واحد، الحب والشغف اللي كنت بحلم بيهم مش موجودين”.
وتابعت: “كنت دايمًا بقول لنفسي (مش لازم كل حاجة تكون مثالية، المهم إني مرتاحة حتى لو موجوعة، ما هو ده الحب اللي أعرفه.. مش الحب عذاب برضوا؟.. بس في نفس الوقت، كل مرة بشوف علاقة مليانة حب وتفاهم حقيقي، كنت بحس إني بتنازل عن حاجات مهمة في حياتي”.
واستكملت: “لحد ما في يوم، قررت أقعد مع نفسي واسأل (هل الراحة كفاية؟ هل المفروض أقبل بعلاقة مفيهاش توازن والإحساس اللي أنا أستحقه بس عشان ده اللي أعرفه؟).. بعد التفكير، قررت إني مش هتستمر في علاقة مش مريحة لمجرد إني خايفة أبقى لوحدي.. قررت إني استحق علاقة فيها حب حقيقي، دعم، وتفاهم”.
وأضافت: “الدرس اللي اتعلمته كان واضح (متقبلش علاقة متوسطة بس عشان الخوف، احنا نستحق إننا نعيش علاقة مليانة حب وتقدير بجد”.