قال الفنان خالد الصاوي، إن اكتشافه لشغفه بالفن في سن مبكرة ساهم في حمايته من الضياع بمختلف أشكاله.
“نص خبر”-عمرو يوسف
وأوضح خالد الصاوي خلال استضافته في برنامج “ABtalks” مع الإعلامي أنس بوخش: “الفن أنقذني من الجنون والانتحار والإدمان والإلحاد والضياع عموما، وعمل طاقة نور خرجتني من إحساس القلق من إني مش متناغم مع الدنيا”.
عرض هذا المنشور على Instagram
وتابع: “الفن خلاني أعيش العالم البديل وأحقق فيه حريتي، وكنت أقعد أرسم نفسي وأنا بعمل حاجات ومغامرات نفسي أخوضها، لغاية ما عرفت إن الفن هيبقى شغلي، وإن معنديش رغبة في حاجة غير الفن”.
وقال خالد الصاوي: “في فترة معينة، أخذني العالم البديل من العالم الحقيقي، أخذتني الممنوعات أكثر مما ينبغي”.
وأضاف: “في مرة من المرات، فجأة قلبي كان كأنه يقفز خارج صدري، بطريقة كأني هموت حالًا، ومشكلتي الكبيرة إني مكنتش عايز أموت على فضيحة، ودخلت بالعافية على السرير، وفضلت 4 ساعات في السرير، قلبي مش بيهدأ، ولا هموت على السلم، ولا هنزل مستشفيات، ولا هكلم حد، ولجأت لـ ربنا وقتها”.
وتابع حديثه قائلاً: “وقلت له سبحانك أنجدني وأنا أغير حياتي، وغفوت 4 دقائق مكملتش 5، وقمت كأني نائم 8 ساعات، وفيه اتجاه جوايا أني أقوم، ولميت الحاجة كلها، وحرقت حاجات، ورميت الباقي، وصليت ونمت شوية صغيرة وقمت لعبت رياضة”.
واستكمل: “ومجتش جنب الحاجات اللي بتفكرني بالحاجات دي كلها لمدة طويلة، ودا كان أسوأ لحظة لي، كل حاجة كانت بايظة، والحقيقة إن أنا نفسي كنت السبب الأول واللي بدأت الخطأ، وأهم حاجة إن الشخص يواجه نفسه ويعترف بأخطائه، وأنا قاصد أكشف عن أخطائي عشان أحذر اللي بعدي”.