نيللى كريم عن مشاركتها في موسم رمضان 2024: أشتاق للكوميديا

28 سبتمبر 2023

القاهرة – عمرو يوسف

كشفت الفنانة نيللي كريم عن تفاصيل مشاركتها في موسم دراما رمضان 2024، بعد انفصالها فنيا عن شركة العدل جروب، مؤكدة أنها غير قادرة على تقديم أي نص جاد ويقدم قضايا عميقة، ومشتاقة حاليا للعودة إلى الكوميديا.

وقالت نيللي كريم خلال تصريحات لبرنامج مساء الإمارات تقديم الإعلامي عبد العزيز أحمد المذاع عبر قناة الظفرة الإماراتية: “بستمتع بالقصة الحلوة وبالدور الحلو وبحب اشتغل مع ناس فنانين بيحبوا الفن بجد ودي متعتي”.

وتابعت: “بحب الكوميدي والأكشن والتراجيدي وأنا طماعة شويه بحب أقدم كل حاجة.. وهعمل في رمضان 2024 مسلسل كوميدي مشتاقه للكوميديا مش قادرة أعمل أي حاجة فيها عمق”.
وعن تعاونها مع الفنان محمد فراج للمرة الخامسة، أضافت نيللي كريم: “اتعاملنا مع بعض كتير واللي بيفرق بردو المخرج ليه عامل كبير في اللوكشين والقصة، لأن كل مخرج ليه طابع خاص وليه طلبات معينة وليه رؤية معينة.. أنا بستمتع بالتجارب دي كل مرة، وفراج بيعمل كل مرة شكل جديد ومختلف ومتعة أنك تشتغل مع فنانين بيحبوا الفن”.
وعن تجربتها مع الفنانة يسرا في مسلسل روز وليلى، أوضحت نيللي:” الكيميا بيني وبين يسرا فظيعة كنا بنضحك برا الكواليس وجوا الكواليس وبنعيد بسبب الضحك، وبحبها على المستوى الشخصي.”