جمعة مصرية

11 أغسطس 2023

مكتب القاهرة_ إعداد: عمرو يوسف – تعليق صوتي: نجلاء الشحات

جمعة مصرية

عروس تثير الجدل بالرقص على عمود في حفل زفافها
تعمل إيه لو دخلت قاعة أفراح لقيت العروسة بالفستان الأبيض والطرحة بتقدم رقصة منفردة على العمود؟ وبتعمل حركات بهلوانية قدام العريس اللى فضل واقف يسقف، الفيديو احتل الترند في مصر وناس علقت على رشاقة العروس، وناس تانية خافت من هوس الترند اللى بيخلينا نشوف كل يوم عجائب وغرائب

باحث مصري يحتفل بإنجازه العلمي داخل مطبخ
شارك الباحث المصري أحمد إبراهيم، أصغر دكتور بجامعة الملكة بإنجلترا، احتفاله بنشر 100 بحث دولي
من داخل مطبخ الجامعة، وبرر احتفاله بأنه عمل في مهنة غسل الصحون 3 سنين داخل هذا المطبخ لتغطية نفقات التعليم.

أسعار الكتب الخارجية تحقق أرقاما قياسية
رغم أن مصر لسة مودعة العام الدراسي من ايام قليلة، إلا أن العام الدراسي الجديد تصدر الترند من بدري، بعد طرح الكتب الخارجية باسعار فلكية تقترب من 700 جنيه للكتاب الواحد، مع تخمينات بأن الأسعار مرشحة لزيادة كبيرة بسبب الارتفاع العالمي لمستلزمات الطباعة.

حوار المندوب .. القصة حقيقة ولا خيال؟
سمعنا ان الدليفري بيدوق احيانا من الأكل، وممكن يستخدم بعض السلع قبل توصيلها، ولكن الجديد في مصر، أن مندوب توصيل اعترض على تسليم فستان سهرة لصاحبته قبل التأكد من عدم خروجها به لأنه “مكشوف” وهو خايف من الذنب، ناس كثير قالت ان القصة خيالية لكن صاحبة الفستان وزوجها والمندوب ظهروا للعلن واتكلموا عن الحكاية بكل تفاصيلها
أنا طلبت وعمرو دياب وافق
ده اللى حصل باختصار بين النجمة اللبنانية داليدا خليل والهضبة، واللى أكدت أن جلسة التصوير اللي اثارت الضجة كانت عفوية وبطلب منها، وأن قبلة عمرو دياب كانت على خدها وبس

أغرب حفل فسخ خطوبة في الساحل الشمالي
الإعلامية أسما ابراهيم أعلنت فسخ خطوبتها، وبنفس الليلة جمعت أجمل نجمات الفن المصري في الساحل الشمالي لعمل حفل كبير كل دقيقة اتحولت لترند زي رقصة نادية الجندي مع تامر حسني، ورقصة ايتن عامر وزينة مع الليثي، وظهور ياسمين صبري بفستان جريء مع هالة صدقي.. اسما قالت ان الحفل عقد بالمصادفة مع اعلان فسخ الخطوبة .. لكن أهل الساحل مش مصدقين.
حماقي أول مطرب يستخدم الذكاء الاصطناعي
سبق محمد حماقي كل منافسيه، وأصدر أول فيديو كليب باستخدام الذكاء الصناعي، وهو كليب حبيت المقابلة اللى حقق 3.5 مليون مشاهدة في أربع أيام.

وداعا أم فرحات
حزن كبير اجتاح الوسط الفني بعد إلان وفاة الفنانة منحة زيتون الشهيرة بشخصية أم فرحات في فيلم محمد هنيدي الشهير “همام في أمستردام”..