هند صبري تطرح قضية حساسة في البحث عن علا
#هند صبري - الصورة من حسابها على الفيس بوككشفت الفنانة هند صبري عن ملمح جديد لأحداث الجزء الثاني من مسلسل البحث عن علا، وقالت إنها ستطرح قضية التغيرات البيولوجية للفتيات في مرحلة المراهقة.
“نص خبر”-عمرو يوسف
أضافت هند صبري في مؤتمر صحفي عن “البحث عن علا” تمهيدا لعرضه يوم 26 من شهر سبتمبر الجاري: في الموسم الثانى من البحث عن علا بنسلط الضوء على مواضيع بيعيشها كل بيت مش في مصر بس في العالم كله، بس إحنا بنتكسف نتعامل فيهم براحتنا، في المسلسل علا ونسرين الشخصية اللى بتقدمها ندى موسى “نسرين” عكس بعض تمامًا وده اللى عامل التوازن في علاقتهم، وفى المواضيع اللى هنقاشها في المسلسل أنا قاصدة أتكلم في حاجات عمرنا ما بنتكلم فيها مع أنها بتحصل في كل بيت وده بالنسبة لى أهم من أنى أتكلم عن جريمة قتل بتحصل كل كام سنة مرة”.
عرض هذا المنشور على Instagram
وقالت هند صبرى: “علا في الموسم الثانى في البحث عن علا لسه بتدور عن نفسها، وأعتقد أن أوقع حاجة ممكن أقولها عن علا هي جملة على لسان واحدة من مؤلفات الموسم الثانى هنا محمود اللى قالت أنت بتفضلي طول الوقت تدوري على نفسك زي مدلية المفاتيح كده انت بتنسيها وبعد كده تلاقيها وتنسيها وبعد كده تلاقيها، وتقعدي تدوري عليها ودى رحلة البحث عن الذات، لأنها مش من أول مرة أو مرة واحدة، هي رحلة طويلة وكل شوية فيها تحديات مختلفة وجديدة، أوقات بتخل توازن انتى عملتيه في حياتك فبتضطرى تبني من جديد”.
وتابعت هند صبرى مؤكدة: “علا دلوقتي في رحلة استكشافها لتحديات جديدة، لأننا خلصنا رحلة البحث عن راجل لحياتها، لأنها نضجت وكبرت وفهمت أنه ن الضروروى انها تبني جواها هي حالة اكتفاء ذاتي زي ما بنقول”.
أبطال مسلسل “البحث عن علا 2”
الجزء الثاني من “البحث عن علا” يدور حول مغامرة جديدة تخوضها علا عبد الصبور مع عائلتها، ويشارك في البطولة إلى جانب هند صبري: سوسن بدر، طارق الإبياري، ظافر العابدين، محمود الليثي، وندى موسى، والعمل من تأليف مها الوزير وإخراج هادي الباجوري.