لقاء الخميسي: أبي الرجل الأول والأخير في حياتي ونتحدث يوميا رغم وفاته

24 سبتمبر 2023

القاهرة – عمرو يوسف

تصدرت الفنانة لقاء الخميسي قائمة الأكثر بحثا على مواقع التواصل الاجتماعي، بعد تحدثها بصراحة عن “الضرب تحت الحزام” داخل الوسط الفني، وتعرضها للخيانة العاطفية “قبل الزواج”، وتوقف عدد كبير أمام حديثها عن والدها الراحل وكيف لم تتخط حتى اللحظة أزمة وفاته متأثرا بمضاعفات مرض السرطان، لدرجة أنها تتحدث معه يوميا وتسمعه وهو يرد عليها.

وأضافت لقاء الخميسي خلال جلسة فضفضة نفسية مع الفنان تامر شلتوت في برنامج In Deep في العمق: قائلة: “الطفولة كانت جميلة ولما بفتكر الطفولة أول حاجة بفتكرها بابا، أنا بموت فيه هو الرجل الأول والأخير وبعد كدا يجي في النص شوية رجالة”.

وواصلت قائلة: “لما بنتكلم عن الأب أنا بشوف بابا صديقي اللي مبخبيش عنه حاجة وبشوفه راجل مختلف وفنان وحساس وراقي وطيب كل الصفات الحلوة لما بيتعصب بتبقي الدنيا وحشة وهو صوتي الداخلي بكلمه لحد دلوقتي وهو بيرد عليا، وبكلمه كل يوم وبحكي له الحاجات الحلو والوحشة وبتحصل علامات فبقول أه ده رد وهو طبعا إنسان مش موجود بس بيكون في علامات”.
لقاء الخميسي: أواجه الخيانة بالاختفاء دون عتاب
وقالت لقاء الخميسي أنها تعرضت للخيانة، أثناء فترة ارتباطها من شخص بمرحلة دراستها بالمعهد، وأشارت إلى أنها كانت تعلم بعلاقاته النسائية الكثيرة، ولم تعترض عليها، لكن بعد علمها بخيانته تركته بشكل نهائي، ولم تخبره بسبب اختفائها.
وتابعت الخميسي: “على مدار حياتي متخانتش من أصدقاء كتير، لأني باخد بالي بصاحب مين، فيه ناس ضربت من تحت الحزام، بس مش مهمين في حياتي، وفي ناس مهمة خانتني، وزعلت وقعدت في البيت وعانيت، لكن تعاملت معاهم بالبلوك ومردتش على إهانتهم، لإني عارفة إني من جوايا كبيرة وميصحش أرد”.
وأضافت الخميسي: “سكتّ 7 سنين على الإهانة، لا تؤذيني في مشاعري، في ناس لفت من ورايا عشان تاخد أدواري في بعض الأعمال الفنية، بس دلوقتي بقيت بسامح، بتعامل إنه مش من نصيبي، إحنا جايين الدنيا علشان نتعلم، طول ما بغلط بتعلم”.