علّقت الفنانة رانيا يوسف، لأول مرة على أزمة مشهدها المثير للجدل في فيلم أوراق التاروت، وقالت إن الفيلم يتضمن مشاهد لكلب وقطة وبغبغان ولكن الكل توقف أمام صورتها مع الكلب.
“نص خبر”-عمرو يوسف
وقالت رانيا يوسف في مداخلة هاتفية عبر برنامج «الحكاية»: الرقابة أجازت النص والفيلم وصورنا السيناريو المكتوب والفيلم ليس به أي أمور مسيئة كما تردد، وللأسف بعض الأشخاص على السوشيال ميديا لم يعد عندهم ضمير.
رانيا يوسف: الفيلم كمان فيه قطة وبغبغان.. سمية قطة ومي بغبغان.. سابوا كله ومسكوا في الكلب؟
يعرض الآن مجاناً على شاهدhttps://t.co/1lhEE26stS #الحكاية#MBCMASR pic.twitter.com/aD73tf12QG
— الحكاية (@Elhekayashow) September 22, 2024
وتابعت: “هو عيب يبقى فيه حيوانات في الفيلم، ولسه فيه فيلم رايح مهرجان فينسيا بالكلب، إشمعنا مسكوا في الفيلم بتاعي، والتاروت فيه كلب وقطة وبغبغان إشمعنا سابوا القطة والبغبغان ومسكوا في الكلب علشان أنا ماسكة الكلب في الفيلم، سمية الخشاب ليها قطة في الفيلم ومي ليها بغبغان وأنا ليا كلب.
وأكملت: “لازم ندخل الحيوانات الأليفة معانا في الأفلام على أساس نفهم الناس إن فيه مخلوقات عايشة معانا على الكوكب لازم نتعامل معها برحمة وإنسانية، وفي مهرجان فينسيا احتفلوا بالكلب أكثر من الفنانين.
أول مداخلة لـ رانيا يوسف.. حقيقة منع فيلم رانيا يوسف الجديد (التاروت) لأسباب رقابية
يعرض الآن مجاناً على شاهدhttps://t.co/2lHDw6uxin #الحكاية#MBCMASR pic.twitter.com/anv9jOPDgf
— الحكاية (@Elhekayashow) September 22, 2024
وأضافت: البعض يحاربونني لرفضي الظهور في برامجهم أو إجراء حوارات معهم، أنا لست شخصية مثيرة للجدل ولكن البعض مركز معي لأن اسمي بيطلع تريند.
وواصلت: “الفيلم متصور من سنتين وخلصان عيب حد يقول إن فيه مشهد خارج مع الكلب، ولكن ما دام رانيا يوسف ماسكة الكلب لازم يحشروني في أي مصيبة”.
وأكدت رانيا يوسف: “فيلم التاروت لا يوجد به مشهد واحد خادش للحياء”.
فيلم «أوراق التاروت» تأليف معتز المفتي، ويضم العديد النجوم منهم رانيا يوسف، سمية الخشاب، مي سليم، عبد العزيز مخيون، محمد عز، علاء مرسي، محمد سليمان، ووائل متولي، وبوسي شاهين، وإخراج إبرام نشأت.