بوسي: نفسي أموت وربنا راضي عني

24 يونيو 2023

القاهرة – عمرو يوسف

في أول تعليق على أنباء اعتزالها الغناء بعد تعرضها لأزمات عائلية متكررة، كشفت المطربة بوسي، عن تفكيرها في الابتعاد عن الوسط الفني كلما اشتدت ما وصفته ب “الحروب الفنية”، وقالت إنها تتراجع عن قرار الاعتزال بسبب عدم تحقيقها ما كانت تحلم به كمطربة.

أضافت بوسي خلال مقابلة مع برنامج «حبر سري» عبر شاشة «القاهرة والناس»: في أوقات بيجي على الواحد من كتر الحرب في الشغل والصعوبات في الحياة عموما والمهنة خصوصا بتبقى عايزة تسيبها مخضرة، بس برجع أفكر وتشوفي قد إيه تعبت وطلع عيني عقبال ما وصلت للي فيه وشقيت واستحملت حاجات كتير للوصول للنجومية.

وأضافت أن هناك خطوات فنية كثيرة لم تنفذها حتى الآن، وأنها تتمنى مفارقة الحياة في رضا الله فقط، قائلة: «في حاجات كتير لسه معملتهاش في الفن وبطلب من ربنا دائما خذني وأنت راضي عني.

وتابعت: اتعودت أبقى قوية من صغري بس ممكن يكون بسبب إني ملقتش ليا ضهر اتحامى فيه من صغري ويجيب لي حقي فبقيت مقوية نفسي بنفسي، وأمي كانت كل حاجة بس في الأول والآخر هي ست لكن عمري ما ظلمت حد بل ظلمت نفسي في حاجات كتير.