تدخل الفنان أحمد العوضي سريعا للرد على أنباء تعرضه لأزمة صحية خطيرة، ورد على منشور لزميلته الفنانة فريدة سيف النصر مؤكدا أن كل ما يتردد عنه مجرد شائعات.
“نص خبر”-عمرو يوسف
الفنانة فريدة سيف النصر، أثارت خوف جمهور أحمد العوضي، بعدما كتبت منشورا مطولا أعلنت فيه مرض الفنان الشاب بسبب “الحسد”، وأضافت عبر حسابها على الفيس بوك: احمد العوضي سلامتك يااخويا.. العين حق؟ يخرب بيت السوشيال ميديا اللي خللت عيون مبحلقه مابتخافش الله بدل ماتصلي علي رسول الله وتقول ماشاء الله..لااااااااا تغل وتشر في نفسها وتتمني زوال النعمه..وطبعا دوول ماعندهمش استعداد يشتغلوا مش فاضيين..ازاي تفوتهم لمحه ولا حفله فرح ولا لبس ولابيت أو أكل ونجاح لحد اي حد ولا حتي اطفال يخرب بيوتكم مش عايزين يسموا بالله وتقول له قول الله اكبر مايقولش..هما قاصدين وهات ياشتيمه وشماته وانتقاد وكراهيه ونقد غريب حتي المتطلقين خايفين لا يرجعوا فايهزءوهم ..واللي متجوزين مش عاجبهم لازم يطلقوهم. ..والشغل ده يقرف والشغل ده حلو حسب مزاجهم المزعج المنفسن..الحمدلله أنهم قله وفي غيرهم بيسمي ويصلي …حتي العيل ضاضا مافلتش منهم حتي جدته بيتهموها انتم شياطين.
وتابعت فريدة سيف النصر، منشورها، قائلة: والناس عماله ترحل ودوول ولا هما هنا مش بعيد بيحسدوا شكل المدفن مثلا اه والله قرأت تعليق شوفوا المدافن اهو كده يابلاش…الهي تندفنوا في قصور بس ياللا فارقونا..كارهين كل حاجه وهما هما اللي هاتلاقيهم بيكرهوا الحيوانات..ايه ده انتم بتأكلوهم طيب ماتأكلوا بني أدميين..ايش عرفك يا حزين يا كئيب..أن اللي عنده رحمه لحيوان مش هايرحم انسان..تعبت منكم وزعلانه علشانكم دخلتكم القبر هاتبقي ليله…الله اعلم بيها.. العين حق بحلقوا بس صلوا عالنبي حرام عليكم…العين حق ..العين ..حق…الحمدلله ..تيجي في شغل في ستين داهيه…لكن العين حق..
واختتمت فريدة سيف النصر منشورها قائلة: سلامتك سلامتك سلامتك احمد العوضي..سلامتك .احمد العوضي سلامتك..طمنونا. الله اكبر كبيراً ..يسللمك ياخويا يارب.
أحمد العوضي تدخل سريعا لتوضيح الحقيقة وعلق على منشور فريدة سيف النصر قائلا: انا كويس يا ست الكل يا ام قلب ابيض اشاعه والله.